आठवणीने दादा तुमच्या

आठवणीने दादा तुमच्या

डोळे भरून आले

कंठ दाटून आला दादा

का रुसून गेले ? 

नातवाला दादा तुमच्या

अजून समज नाही

दादा परत येतील म्हणतो

गैरसमज काही

लगेच परत येतो म्हणुनी

का फसवून गेले ?

परत या हो दादा तुम्ही

का रुसून गेले ? 

नातवाचे कोड कौतुक

कोण करेल दादा ?

जिंकूनसुद्धा खेळामध्ये

कोण हरेल दादा ? 

रडवून परिवाराला

तुम्ही हसून गेले 

परत या हो दादा तुम्ही

का रुसून गेले ?

म्हातारे बाबा म्हणतो

कधी दादा तुम्हाला म्हणतो

देवबाप्पा कधी इतका

कठोर कशास बनतो ?

सहवासाचे अल्प स्वप्न

अलगद पुसून गेले

परत या हो दादा तुम्ही

का रुसून गेले ?